dubartii oromoo

[oromtittii]

DUBERTII OROMOO Dubartii Oromoo intala Oromtichaa
Haadha hayyuu qaraa yaa haadha gootichaa
Siiqqe isii qabattee tan qabbana buustuu
Yaa haadha nagayaa lola araarsituu

Yaa haadha hormaataa kunuunsituu maatii
Qe'een ati jirree yoom waa natti toltii
Dachaa cunqufamtuu sabboontuu Oromoo
Yaa madda hormaataa yaa jaalattuu qomoo

Harmee haadha gootaa tan harmi sii dachaa
Tajaajiltuu maatii yaa haadha gootichaa
Falmadhu mirga kee ifatti bahii tii
Watajjiirarraa labsii gola keessaa mitii

Ibsi eenyummaa kee akka hayyuu taate
Tan irbuu sii guuttu kaayyoo itti amantee
Namni nakka namaatti hin jiru waljalaa
Hujii fi kabajaan siitu irra caalaa

Ji'a sagal guutuu ilmoo garatti baattee
Ciniinfattee dysaa hadhaa lubbuu gartee
Eega deeyse boodaas sumaa ilmotti aanaa
Dhaadheessuu fii mitii an dhugumaan baanaa

Alaa fi manniniis hin ifu si malee
Biqilchituun shanyyii eenytu si caalee
Dirree qabsoorratiis eejjannoon te cimtuu
Yoo ati hirmaanne qasoon fiinxa baatuu

Dubartii Oromoo haadha marii malaa
Tooftaan tee dansaa dhaa hedduu namatti tolaa
Abalu waa dhiiraan jaartii gaariirraahii
Utubaa jireenyaa ati fayyaa dhyii

Waa'ee kee dubbachuu jechaa na hanqtaa
Madda hayyuu qaraa yaa haadha gootootaa
Dubartii Oromoo haadha jeeyna deeysuu
Olgodhuu dhaadadhu takkalleen si geeysuu

[Roobaa]

Oromtittii,

Abjuu halkaanii fi guyyaa dhaaloota garaa raastu
Seenaa fi hiika tooleen diroo marsaan goorsattu
Maarartuu haadha dhugaa dhimma dhaadheessattuu

Oromtittii jaajjuu kan daadhaabee hin beekne
Hidda horoo daaggaagde umammatu kenne
Boontu eenyummaaf aaddu akka huumoo booqaa
Falmatu haadha goototaa kabaajiiftuu haaqaa
Maandiistuu iyya siiqqee tiksaattuu seera gumaa
Godaantuu daandii siiqqee falmattuu wal-qixxumma
Gaaddistu damee Odaa riqxu caasaa tokkummaa
Gorsitu lammii fi qomoo kan hin daganne dhimma
Galatnii kee guddoon haa taatu Bilisummaa!

Bilisummaa Biyya Oromoo marge dirree lalistuu
Qabsoon turtus - bultes galma hin hankaaktu
Boree dhimma dhalootaa seera uumaatu labsa
Eenyummaa heedatee dirootu dhiiga galaasaa
Galaa dhuma hin qabne qorxii dilbii kuusaa
Soora Oromummaa cooccoo dhangaa Oromtittii
Naqxee jangii seenaa foolle Gadaa sirbisiifti!

Shaggoyyee arfaan qaalluun danabsitu noolee
Kumkum haadha maccaa mormi lookoo bulaale
Uggum ragada waalloo aadaa fokkuun takale
Dhiichistu tulaamaa haadha gootoota salaalee
Naaqatu ateete arsi kaawatu dooqa fi caallee
Karayyuu hoofuun seertu ayyantuu ija kuulee
Gujii toobattu baalliin diina safuu walaalee
Falmatu haadha gootota hooddattuu dhugaa bulee

Oromtittii fayyaa abjottuu seenaa hiikaan tolee
Bekkumsaa kee guddoon nuu gorsii kan walaalee
Qomoo - qomoo ganu okkolaa abdii halagaan olee
Lammii - lammii qaluu hambaa halagaan bulee
Addagee seenaa dabsuu dagatee gumaa anoollee
Seenaa harma muraa kan cire kichuu ijoollee
Seenaa harka kuuttaa boree hin hafne yoomiillee
Sarbaa daandii Bilisaa cabsaa siiqqee oboollee
Akka hin daaganne dhaamsa fi gorsaa walii-gallee
Nu galaasi qondaallootaaf hoo sirbinu gadaa foollee
Safuu waaqa tokkichaan eebba boraanan hofkollee!


G. Roobaa

[oromtittii]

Roobaa burqaa walaloo yaa madda beekkomsaa.
Yoo barreessaqa ooltee hin dhumu si keessaa
Baqkka guddaa qabdaq swammuu tiyya keeswsaqa

Hedduu hedduu galatoomi yaa kuusa beekkoomsaa.